Şəhid gizirimiz Xızıda torpağa tapşırıldı

Aprel 2-dən 3-nə keçən gecə cəbhənin Tərtər istiqamətində düşmən təxribatının qarşısını alarkən şəhid olan Azərbaycan Ordusunun giziri 30 yaşlı Ravil Novruzov dəfn olunub. Şəhid doğulduğu Xızı rayonunun Giləzi qəsəbəsində torpağa tapşırılıb. Dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Xızı Rayon İcra Hakimiyyətinin rəsmiləri, şəhidin döyüş yoldaşları, rayon ictimaiyyətinin nümayəndələri və kənd sakinləri iştirak ediblər.