Şəxsiyyət vəsiqəsini başqasına verməyin

268 Просмотров

Добавлено: 13.03.2016
Категории: Разное

Bəzi əşyaları və ya geyim kirayə götürdükdə şəxsiyyət vəsiqəsi tələb olunur. Daha dəqiq desək, beh qoyursan və şəxsiyyət vəsiqəsini təqdim edirsən. Əşyanı qaytardıqda isə şəxsiyyət vəsiqəni geri götürürsən. Mütəxəssislər isə xəbərdarlıq edirlər! Şəxsiyyət vəsiqəniz cinayətdə istifadə oluna bilər. Milli.Az "Xəzər Xəbər"ə istinadən bildirir ki, kirayə bazarında şəxsiyyət və siqəsi əsas götürülür. Kirayə götürən şəxsdən girov kimi şəxsiyyət vəsiqəsini qoyması tələb olunur. Kitabxana, kirayə geyim və disk dükanları kimi bir çox sahələrdə şəxsiyyət vəsiqəsinin girov kimi tələb olunması adi hala çevrilib. Bir çox insan başına gələ biləcək təhlükədən xəbərsizcəsinə vəsiqəsini tanımadığı şəxsə əmanət edir. Əslində isə şəxsiyyət vəsiqəsi bir çox cinayətlərdə maddi sübut kimi istifadə oluna bilər. Kimsə sizinşəxsiyyət vəsiqənizlə mobil nömrə ala və ya onu cinayət yerində qəsdən unuda bilər. Qeyd edək ki, qanunvericiliyə görə, şəxsiyyəti təsdiq edən sənədi girov formasında saxlamaq qanuna ziddir. Kirayəyə əşya götürdükdə isə tərəflər arasında girov müqaviləsi bağlanılmalıdır. Sahibkarlar isə vergi ödəməmək üçün məhzvəsiqə tələb edirlər. Şəxsiyyət vəsiqəsi vacib sənəd sayıldığından hətta itdiyi zaman aidiyyəti orqanlara xəbər verilməlidir. Milli.Az