Məzarı bilinməyən Şəki xanları

KANAL S (REGİON TV) xəbər verir ki, Azərbaycan tarixində mühüm yer tutan xanlıqlar dövrü məhz Şəki xanlığının müstəqillik qazanmasından sonra başlayıb. Bu tarixin bünövrəsini qoyan şəxs isə Şəki xanı Hacı Çələbi xan olub. Çələbi xanın həm sərkərdə kimi, həm də bir siyasətçi kimi atdığı addımlar tariximizdə silinməz iz buraxıb. Onun nəvəsi Məhəmmədhüseyn xan Müştaqın da Şəki üçün müstəsna xidmətləri olub. Maraqlı burasıdır ki, belə tarixi şəxsiyyətlərin qəbirlərinin yoxa çıxması barədə müxtəlif mülahizələr mövcuddur. Ona görə də bu dövrün daha müfəssəl şəkildə araşdırılmasına ehtiyac var.