"Səs Azərbaycan"ın qalibi bəlli oldu

259 Просмотров

Добавлено: 07.03.2016
Категории: Разное
Тэги: Səs Azərbaycan , qalib

Ölkənin ən böyük musiqi yarışı olan "Səs Azərbaycan"ın finalı baş tutub. Axşam.az-ın məlumatına görə, finala vəsiqə qazanan Emiliya Yaqubova ilə Hüseyn Abdullayevin mübarizəsində xanım iştirakçı qələbə qazanıb. Xalq artisti Mübariz Tağıyevin komandasından yarışan Emiliya 90 min 283 səslə qalib olub. Xalq artisti Faiq Ağayevin komandasında iştirak edən Hüseyn isə 46 min 361 səslə ikinci yerə çıxıb. "Azərbaycanın səsi" olan Emiliyaya 30 min manat pul mükafatı veriləcək. Xatırladaq ki, "Səs Azərbaycan"ın sonuncu sms yarışında xalq artisti Mübariz Tağıyevin komandasından Emiliya Yaqubova, xalq artisti Faiq Ağayevin komandasından Hüseyn Abdullayev, əməkdar artist Tünzalə Ağayevanın qrupundan Samirə Əfəndiyeva, Manananın komandasından isə Səmra Rəhimli finala vəsiqə qazanmışdılar.