Çayda əl qumbarası tapıldı

203 Просмотров

Добавлено: 26.02.2016
Категории: Разное

Hüquq-mühafizə orqanlarından verilən məlumata görə, fevralın 24-ü, axşam saat 17 radələrində adı açıqlanmayan vətəndaş Şəki şəhəri ərazisindən axan Qurcana çayında əl qumbarası olması barədə ərazidəki polis əməkdaşına məlumat verib. Milli.Az Region TV-yə istinadən xəbər verir ki, məlumat əsasında hadisə yerinə cəlb edilmiş hüquq-mühafizə əməkdaşları çaydan bir ədəd "RQD-5" əl qumbarası götürüblər. Hazırda Şəki Şəhər-Rayon Polis Şöbəsinin əməkdaşları qumbaranın çayın ərazisinə hardan və kim tərəfindən atılmasını araşdırır. Qeyd edək ki, qəlpələnən əl qumbarası olan RQD-5, əsasən, hücum döyüşlərində tətbiq edilir. Milli.Az