Təcili Tibbi Yardım

- Təcrübə keçməyə gəlmisiz?

- Xeyr, xanım!.. Bir neçə saniyədən sonra "vızıltı" ilə yanımdan keçən növbəti bir xanım divanda Təcili Tibbi Yardım əməkdaşlarının formasında əyləşən qıza (mənə) təəcüblə baxıb deyir - "yeni işçisiz?" Bu dəfə də xeyr, deyib- gülümsündüm... Daha doğrusu, bir günlük hə... Tələsdiyindənmi, səs- küydənmi, bunu sezə bilmədim, reaksiya vermədi. Dediklərimi, yəqin ki, eşitmədi. Hiss olunurdu ki, çağırışa çıxır!

Çağırış otağında mikrofonda ça-ğı-rı-şa gəl, Ça-ğı-rış var! - deyən xanımın səsi "Vızıv"a çıxanları tələsdirir. Bütün gözlər, diqqətlər üzərimdədir, yanımdan keçən də, gələn də baxır. Kimi baxışları ilə sual edir ki, bu xanım kimdir? Kimisə dilə gətirib soruşur!