Aygün Kazımova ft Samir Piriyev “Ağlasın”

Vaxtilə xalq artisti Aygün Kazımovanın aparıcısı və layihə rəhbəri olduğu "Xeyir olar" verilişində bir araya gəlib, teleməkanda reytinqləri alt-üst edən Aygün Kazımova və Samir Piriyev cütlüyü yenidən birləşib.

Bu dəfə onlar aparıcı kimi deyil, duet ortağı olaraq gündəmi darmadağın etmək iddiasındadırlar.

Milli.Az xəbər verir ki, ən məhsuldar və işinin peşəkarı prodüser Anar Mədətovun hazırladığı layihə "Ağlasın" adlanır.

Duetdən kiçik hissə sosial şəbəkədə paylaşılıb. Əksər sosial şəbəkə istifadəçiləri bu dueti Aygün Kazımovanın son duet ortaqlarından ən uğurlu dueti adlandırıb.

Yenidən birləşən cütlük "Ağlasın" adlı duetlə şou biznesdə çoxunu ağladacağı iddia olunur.

Qeyd edək ki, mahnının sözləri Hacı Akifə aiddir.

Milli.Az