Bu buzov hamını təəccübləndirir

TTV (Region TV) xəbər verir ki, Tovuz rayonunun ucqar dağ kəndlərindən birində heyvan təsərrüfatında qeydi-adi hadisə baş verib. Kənd sakinlərinin birinin heyvan təsərrüfatında iribuynuzlu heyvan ayaq pəncəsi olmayan bala dünyaya gətirib. Heyvanın sahibləri isə uzun illərdir mal-qara saxlamaqlarına baxmayaraq bu cür hadisə ilə qarşılaşmadıqlarını deyir. Mövzunun davamını əməkdaşımız Cümşüd Bayramlı süjetində danışacaq.

40 ildən çoxdur ki, mal-qara saxlayan müsahibim ilk dəfə bu cür halla qarşılaşdığını bildirir.Əvvəllər bu inək üç bala verib və heç birində də qeyri-adilik müşahidə olunmayıb. Buzov ayaqüstə müvazinətini tənzimləyə bilmir. Heyvan sahibləri yaşayacağına ümid bəslədiklərindən bu qüsuru aradan qaldırmaq üçün çarə axtarışındadırlar. Qonşuluqda yaşayan digər təsərrüfat sahibləri isə hadisəni müxtəlif çatışmazlıqlarla əlaqələndirirlər.