Bələdiyyəyə borcu olanlara kredit verilməyəcək?

230 Просмотров

Добавлено: 12.02.2016
Категории: Разное
Тэги: bələdiyyə , kredit

Bələdiyyəyə vergi borcu olanlara kredit verilməsin. Bu təkliflə Bakının Nəsimi rayon Bələdiyyəsinin sədri çıxış edib. Onun fikrincə, bu yolla vətəndaşları vergi ödəməyə öyrəşdirmək və bələdiyyələrin maliyyə ehtiyyatlarını artirmaq mümkündür. Təklif müzakirə edilmək üçün Milli Məclisə təqdim olunub. Milli.Az "Xəzər Xəbər"ə istinadən bildirir ki, paytaxtın Nəsimi Bələdiyyəsinin sədri Nazim Qaraxanovun fikrincə, bu yolla vətəndaşların vergi öhdəliklərinə olan məsuliyyətini artırmaq mümkündür. Beləcə bələdiyyələrin maliyyə imkanlarını da genişləndirmək olar. Hazırda əksər bələdiyyələr vergiləri yığmaqda çətinlik çəkir. Çünki bu qurumun heç bir inzibati tədbir görmək səlahiyyəti yoxdur. Nazim Qaraxanov bələdiyyə ərazisində yerləşən, ancaq dövlət reyestrində qeydiyyata alınmayan yeni tikilmiş binalardakı mənzillərin də əmlak vergisinin bələdiyyələrə verilməsini təklif edir. Xüsusilə Bakıda belə binaların çox olduğunu deyən bələdiyyə sədri, onlardan yığılan vergilərlə bələdiyyələrin daha geniş miqyasda sosial layihələr həyata keçirə biləcəyini bildirib. Milli.Az