Şəhid zabitin yeznəsi: “Bu yay evlənmək istəyirdi...”

"Rahibi bu yay evləndirmək istəyirdik. Hətta qonşu kənddə gözaltı elədiyi qız da var idi".
Milli.Az APA-ya istinadən bildirir ki, bunu ötən gün düşmən təxribatının qarşısını alarkən şəhid olan Tovuz rayonunun Bozalqanlı kənd sakini Rahib Quliyevin yeznəsi Vüqar Quliyev deyib.

Onun sözlərinə görə, qaynı Rahib ötən ilin sentyabr ayında məzuniyyətə gələrək, ailə qurmaq üçün hazırlıq işlərinə başlamışdı: "Biz də burda qalan adam kimi onun ev-eşiyini düzəldirdik. Təmir edirdik ki, Allahın köməyi ilə bu yay toy edəcəyik. Bir də ayın 20-də məzuniyyətə gəlməli idi. Biz də səbirsizliklə gözləyirdik ki, gələcək ev-eşiyinin qalanını da düzəltdirəcək. Çox qoçaq adam idi. Həyət-bacanı, hamısını özü səliqə-sahmana saldı ki, toy edəcəyik".

Məzahir Quliyev, əmisi: "Çox ağıllı uşaq idi. Əziyyət çəkdik, 9 il oxutduq. 10 ilə yaxın idi xidmət edirdi. Qisməti də bu idi. Allah bütün şəhidlərə rəhmət eləsin, qalanlara da cansağlığı versin".

Rahib Quliyev 1990-cı ildə Tovuz rayonunun Bozalqanlı kəndində anadan olub. Orta təhsilini kənd orta məktəbində alıb. 9-cu sinfi bitirdikdən sonra əvvəlcə Cəmşid Naxçıvanski adına hərbi liseyə, daha sonra Ali Hərbi Məktəbə daxil olub. Təhsilini başa vurduqdan sonra isə xidmət üçün ön cəbhəyə gedib.

Длительность: 4:54 Просмотров: 2.9K Добавлено: 8 лет назад
Категории: Разное
Тэги: Şəhid zabit yeznə
Пожаловаться

Похожие видео