Şənbə-bazar onları görməyə gedin

TTV (Region TV) xəbər verir ki, Bakıda fiziki qüsurlu insanların əl işləri sərgilənib. Müxtəlif çeşiddə olan bu işlər paytaxt sakinlərinin marağına səbəb olub. 30 yaşlı Qəndaf anadangəlmə fiziki qüsurludur. Lakin çox istedadlıdır. Uşaqlıqdan əl işlərindən müxtəlif toxumalar düzəltmək istəsə də, bu arzusu indi reallaşır. O, müxtəlif toxumalardan düzəltdiyi əl işlərini satışa çıxarıb. Qəndaf kimi 60-a yaxın fiziki qüsurlu gəncin əl işləri arasında daha çox milli atributlar üstünlük təşkil edir. Qiymətlər də münasibdir. Əl işləri əsasən iri ticarət mərkəzlərində satışa çıxarılır. Gün ərzində əl işlərinin 50-60%-i satılır. Bu cür asksiyalar əsasən şənbə və bazar günləri həyata keçirilir.