"Küçəyə atılmış sarı "klyok"un içində pul tapdım" - 1400 manat saxta pulla saxlanılan şəxs

582 Просмотров

Добавлено: 28.01.2016
Категории: Разное
Тэги: polis , cinayət işi , pul

Bakıda polisin keçirdiyi əməliyyatla üzərində 1400 manatdan çox saxta əskinas olan şəxs saxlanılıb. Saxta əskinasları ona verən şəxslər də qanundan qaça bilməyiblər. Səbail Rayon Polis İdarəsi 39-cu Polis Bölməsi əməkdaşlarına Mingəçevir şəhər sakini Turan Yusifovda saxta pul əskinasları olması barədə əməliyyat məlumatı daxil olub. Keçirilən tədbir zamanı həmin şəxs saxlanılaraq bölməyə gətirilib. Onun üzərindən ümumilikdə 1425 manat - 25 ədəd 50, 8 ədəd 20 və 3 ədəd 5 manatlıq saxta əskinas aşkar edilərək götürülüb. Milli.Az Region TV-yə istinadən xəvər verir ki, əməliyyat tədbirinin davamı olaraq Yusifova saxta pulları verən əvvəllər məhkum edilmiş Yevlax rayon sakini Kənan Əliyev və Tərtər rayon sakini Turqut Fətəlizadə də saxlanılıblar. Onların üzərində soyuq silah hesab olunan bir ədəd beşbarmaq və bıçaq aşkar olunub. Kənan Əliyev - saxlanılan şəxs: "8-9 gün bundan əvvəl "Nizami" metrosunun arxasından evə gedəndə küçəyə atılmış sarı "klyok"un içində pul tapdım. 1400 manat pulu götürüb, özümdə saxladım. Sahildə küçə ilə gedərkən dostlarımı gördüm. Onlara yaxınlaşıb salamlaşanda polis əməkdaşları məni tutdular". Faktla bağlı cinayət işi açılıb, araşdırmalar davam etdirilir. Milli.Az