Rayon və şəhərlərin gəlirlərini büdcəyə yük olmadan necə artırmaq olar?

479 Просмотров

Добавлено: 25.01.2016
Категории: Разное
Тэги: büdcə , gəlir , manat

Azərbaycanın 10 şəhər və 66 rayonundan paytaxtı çıxmaq şərti ilə cəmi 4 şəhər və 2 rayonu dövlətdən maliyyə yardım almadan öz büdcəsini formalaşdıra bilir. Əgər rayonların bir qisminə mərkəzi büdcədən nisbətən az vəsait ayrılsa da, bəzi rayonların daxili xərclərinin 70-80 faizi ayrılan dotasiyalar hesabına ödənilir. Bu il yerli xərcləri tənzimləmək üçün dövlət büdcəsinin mərkəzləşdirilmiş xərclərindən ayrılan maliyyə yardımının, başqa sözlə dotasiyanın yerli xərclərin tərkibində xüsusi çəkisi 50,3 faiz, yəni 775 mln. manat təşkil edəcək. Ötən illə müqaisədə bu il şəhər və rayonlara dövlət büdcəsindən ayrılacaq maliyyə yardımı 44,5 mln. manat və ya 5,4 az olacaq. Millət vəkili Vahid Əhmədov deyir ki, mərkəzi büdcədən rayon və şəhərlərə ayrılan dotasiya növbəti illərdə daha da azaldılacaq: "Şəhərlərin öz büdcələrini formalaşdırması üçün dövlət başçısı Azərbaycan Hökuməti qarşısında məsələ qoyub. Ona görə də biz hər dəfə dövlət büdcəsini müzakirə edərkən, bu məsələyə toxunuruq. Çalışmalıyıq ki, mərkəzi büdcədən bölgələrə az vəsait ayıraq. Get-gedə bunu azaldırıq ki, yerlərdə də bunu hiss eləsinlər ki, dövlət büdcəsindən vəsait az ayrılacaq onlara". Bu məsələ Rayon və Şəhər İcra hakimiyyətlərinin məsuliyyətini daha da artırır. Dövlət başçısının da qeyd etdiyi kimi, hər bir rayonun iqtisadi və sənaye potensialı güclənməlidir. Bunun üçün Respublikanın istənilən regionunda potensial da var, imkanlar da.