Türkiyə derbisində dava

Hadisə final matçında baş verib.

Milli.Az Report-a istinadən xəbər verir ki, Türkiyənin 4 böyük futbol komandasının veteran futbolçuları arasında keçirilən mini-turnirdə dava düşüb. Hadisə "Qalatasaray" - "Fənərbağça" qarşılaşmasında baş verib.
"Sarı-qırmızılar"ın futbolçusu Hasan Şaş azarkeşlə mübahisə etdiyi üçün qırmızı vərəqə ilə cəzalandırılıb. Hadisəyə digər futbolçular da müdaxilə edib. Daha sonra azarkeşlər arasında dava düşüb və xeyli sayda fanat salondan çıxarılıb.
Qeyd edək ki, "Beşiktaş" və "Trabzonspor"un da qatıldığı turnirin qalibi finalda "Qalatasaray"ı 8:6 hesabı ilə yenən "Fənərbağça" olub.

Milli.Az